Karim Benzema është futbollist i padiskutueshëm për Carlo Ancelottin.

Trajneri i Real Madridit është i gatshëm të heq dorë nga transferimi i Erling Haalandit, vetëm për ta konfirmuar si titullar sulmuesin francez.

Lajmin e ka bërë të ditur mediumi spanjoll “El Nacional”, përcjell “Gazeta Express”.

“Los Blancos” shihen si njëri prej klubeve që e duan sulmuesin e Borussia Dortmundit.

Mirëpo, trajneri italian nuk dëshiron ta lë në bankinë Benzeman, i cili po kalon nëpër një formë jetësore.

Me këtë rast, Reali mund të shkojë me Planin B.

Në fakt, “Mbretërit” mund ta kërkojnë sulmuesin e Fiorentinës, Dusan Vlahovic.

Mirëpo, “Viola” për të i kërkon hiç më pak se 80 milionë euro.

Vlahovic mund të përmirësohet duke luajtur me Benzeman dhe duke marrë këshilla nga veterani i sulmit francez. /Gazeta Express/