Trajneri i Arsenalit, Mikel Arteta, do të mungojë në ndeshjen e skuadrës së tij kundër Manchester Cityt në Ditën e Vitit të Ri, pasi ka dalë pozitiv në testin për Covid-19.
Spanjolli, i cili ishte infektuar me koronavirus edhe në mars të vitit 2020, do të qëndrojë i ngujuar në shtëpi tani, raporton Gazeta Express.
Arsenali njoftoi: “Mikel Arteta do të mungojë në ndeshjen tonë kundër Manchester Cityt në Ditën e Vitit të Ri, pasi doli pozitiv në testin për Covid-19”.
“Mikeli është izoluar në përputhje me udhëzimet e Qeverisë dhe ne i urojmë shërim të shpejtë”.
Arteta është i detyruar të qëndrojë i ngujuar në shtëpi për një javë.
39-vjeçari është trajneri i tretë në Premierligë që infektohet me virus gjatë periudhës festive, pas Patrick Vieiras së Crystal Palace dhe Steven Gerrard të Aston Villës./Gazeta Express/
