Roli i saj i “Çbanes” në serialin vendor “O sa mirë” e bëri personazh mjaft të dashur edhe në Kosovë, shkruan lajmi.net.

Kurse tani Arjola është shndërruar në një nga banoret më të komentuara brenda formatit Big Brother Vip.

Jo rrallë brenda shtëpisë Arjola ka rrëfyer vështirësitë që kaloi pëgjatë karrierës, e meqë vie nga Tropoja ajo u përball edhe me një mentalitet pak më primitiv të cilët nuk e kuptonin anën e saj artistike.

Në një bisedë me Einxhel ajo ka rikujtuar skenën e filmit “Njerka” në të cilin aktorja 36 vjeçare, duhej të puthte aktorin Bujar Asqeriu, skenë e cila nuk u mirëprit nga familja e farefisi.

Ajo po i rrëfente Einxhel reagimet e tyre duke u shprehur se ata “shkalluan”.

““Një shtëpi shkalloi. Bëra filmin ‘Njerka’, që isha në film me Bujar Asqeriun që puthesha, shkalloi farefisi. Edhe mami më thoshte; çfarë faji kam unë…. I thashë mamit se në momentin që askush edhe nëse më kanë zgjatur dorën edhe më kanë thënë më kërko… Jemi shumë të lidhur edhe i thashë në momentin që ky është profesion dhe ka edhe këtë edhe më keq!”, ka treguar aktorja tropojane.

Ndryshe, Arjola ka pasur një jetë të vështirë edhe sa i përket jetës private, ajo është e divorcuar dhe nënë e tre fëmijëve./Lajmi.net/