Gjykata e Apelit, të premten, ka lënë në fuqi, masën e paraburgimit ndaj 17 personave të dyshuar për “Përgatitjen e veprave penale terroriste ose veprave kundër rendit kushtetues dhe sigurisë se Republikës së Kosovës”, nga neni 144 i Kodit Penal të Republikës së Kosovës.
“Në këtë mënyrë Gjykata e Apelit ka refuzuar si të pabazuar ankesat e avokatëve mbrojtës të të pandehurve B.B,V.I.,L.M., L.M., K.P., L.V., L.G., A.A., A. Sh., Xh. T., M. Sh., B.P., L.S., A.K., H.R. dhe F.G., të ushtruara kundër aktvendimit të Gjykatës Themelore në Prishtinë, të datës 11.11.2016”, ka njoftuar të hënën Apeli.
Sipas vlerësimit të kësaj gjykate, thuhet në njoftimin e Apelit, pretendimet e bëra në ankesë nuk qëndrojnë, ngase nga shkresat e lëndës, rezulton se ekziston dyshimi i bazuar se të pandehurit janë kryes të veprës penale për te cilën po dyshohen, nga ana tjetër gjykata e shkallës se parë ka dhënë mjaft arsye për caktimin e kësaj mase në përputhje me nenin 187 të Kodit të Procedurës Penale.
Gazeta Express, po ashtu, ka sjellë edhe listën e plotë të emrave te të 17 të arrestuarve gjatë këtij aksioni. /GazetaExpress/.
