Carlo Ancelotti ka zbuluar se Eden Hazard do të kthehet në formacionin startues të Real Madridit për ndeshjen e tyre në La Liga Santander kundër Cadiz të dielën mbrëma.

Belgu e ka gjetur veten në stol në javët e fundit pasi lojtarë si Vinicius Junior, Marco Asensio dhe Rodrygo Goes kanë luajtur në krahë, por ai do të ketë një shans për të shkëlqyer kur Los Blancos të presë skuadrën andaluziane.

“Nesër ai do të jetë titullar. Ai do të luajë sepse është stërvitur mirë dhe e meriton. Jo për shkak të mungesave”, tha Ancelotti gjatë konferencës për shtyp të së shtunës para ndeshjes.

“Ai ka punuar shumë mirë, nuk ka ndryshuar mendërisht. Problemi i tij është se ai nuk ka qenë gjithmonë në gjendje të stërvitet 100 për qind, siç është tani. Ai është gati për atë që ka treguar në stërvitje. Ai nuk ishte mësuar të luante në të djathtë dhe unë preferova Rodrygo dhe Asensio atje”, deklaroi Ancelotti.