Agjencia Kundër Korrupsion kishte hapur rast ndaj Mërgim Lushtakut, zyrtarë i lartë i shtetit dhe djali i Sami Lushtakut, pasi ai ka qenë duke i mbajtur dy pozita në kundërshtim me ligjin.

Lushtaku i cili mbanë pozitën e drejtor në Departamentin për Integrime Evropiane dhe Koordinim të Politikave në Ministrinë e Adinistratës Publike sipas AKK-së ka qenë edhe person i autorizuar në biznesin privat.

Rasti sipas AKK-së është trajtuar sipas procedurave të parapara për parandalimin e konflikti të interesit në ushtrimin e funksionit publik. AKK e kishin njoftuar Lushtakun se duhet të hiqte dorë nga njëra prej pozitave që mbante, shkruan Insajderi.

Pas kësaj Lushtaku ka hequr dorë nga biznesi privat dhe se për këto veprime e ka njoftuar Kundërkorrupsionin.

Me 23 nëntor AKK njoftoi se rasti ndaj tij është mbyllur, por ky institucion njofton se rasti mund të hapet në çdo kohë kur paraqiten rrethana të reja. /Insajderi.com