Agim Gashi është zyrtarizuar si kandidat për asamble komunale nga radhët e LDK-së.

Këtë e ka bërë të ditur Imri Ahmeti përmes një postimi në facebook:

Postimi plotë:

Agim Gashi zëri i Janjevës

Nga Janjeva vjen Agim Gashi, i urtë, i qetë dhe i respektuar nga të gjithë, që me punë të ndershme ka ndërtuar biznesin e tij, por gjithmonë ka ruajtur kujdesin dhe mirësjelljen për bashkëvendësit e tij.

Agimi nuk flet shumë, por kur flet, flet me mend dhe me shpirt. Ai është gjithmonë aty, pranë bashkëvendësve, për të dëgjuar, për të kërkuar zgjidhje dhe për të mbrojtur atë që është më e mirë për të gjithë.

Agimi si kandidat për Asamblenë Komunale, nuk hyn në këtë garë për fjalë të mëdha, por për një qëllim të madh: të jetë zëri i Janjevës dhe i njerëzve të zakonshëm në vendimmarrje, me respekt dhe përgjegjësi, siç ka jetuar dhe punuar gjithmonë.

Kam besim në sukseset tua, Agim!
Bashkë, me punë për Lipjanin që e duam!
IA