Për shkak të procesit të negociatave me Serbinë, është përfolur kohëve të fundit se Qeveria Kurti mund të hyjë në një proces të zgjerimit të koalicionit qeverisës.

Lidhur me këtë çështje në Pressing të T7 mbrëmë është pyetur edhe një prej figurave më të rëndësishme të VV’së dhe njiherit kryetari i Kuvendit, Glauk Konjufca.

Konjufca ka thënë se për këtë çështje mund të flas vetëm kryeministri Albin Kurti dhe se si kryetari i Kuvendit s’mund të përzihet në një çështje të tillë.

“Deri tash fola për Qeverinë duke i përkit një grupimi politik, i përkas Vetëvendosjes, jam aty qysh herët. Kam mbajt përgjegjësi të caktuara, fola nga ky aspekt. Për këtë që pyete ti, për këtë nuk mund të flasë në vend të kryeministrit. Pos kryeministri mund të përgjigjet në këtë cështje. Nuk mund të përzihetm në këtë cështje. Thirre kryeministrin”, ka thënë Konjufca të enjten në Pressing.

Lidhur me këtë çështje ditë më parë ka folur edhe Lutfi Haziri nga LDK-ja. Haziri ka treguar se para zgjedhjeve lokale ka pasur një përpjekje për arrnim të koalicionit qeverisës, megjithatë ka treguar se asgjë konkrete ende nuk ka./GazetaExpress/