Ministria e Mjedisit dhe Planifikimi Hapësinor ka kërkuar nga komunat e Kosovës që të përgatisin planin afatshkurtër të veprimit për marrjen e masave për mbrojtjen e ajrit.

Për këtë kjo ministri ka kërkuar edhe nga Ministria e Administrimit dhe Pushtetit Lokal që të angazhohet.

“Plani afatshkurtër i veprimit duhet të përfshijë masa lidhur me qarkullimin e mjeteve motorike, ngrohjen në amvisëri, biznese dhe në shërbime tjera, me qëllim të zvogëlimit të shkallës së ndotjes së ajrit”.

“MMPH është bindur së vetëm me një angazhim të përbashkët të të gjithë akterëve mund të arrihen rezultat në përmirësimin e cilësisë së ajrit në Kosovë”, thuhet në një njoftim për media të kësaj Ministrie./Lajmi.net/