Organizata jo qeveritare Demokracia, është duke mbajtur konferencën për ekstremizmin fetarë dhe parandalimin e pjesëmarrjes së qytetarëve të Kosovës në luftërat e huaja.

Arton Musliu, menaxher i projektit nga organizata Demokracia ka thënë se burgimi i personave që e sjellin terrorizmin nuk është forma ma e mirë, njofton Klan Kosova.

“Ekstremizmi fetar dhe radikalizmi në Anamoravë është fenomen goxha i madh për shkak të afërsisë së kufirit dhe faktit se nuk ka kontrolle të rrepta”.

Zëvendës-shefja e misionit OSCE në Kosovë, Paivi Nikander ka thënë se institucioni i tyre është fokusuar që ta ndihmojë qeverinë e Kosovës në këtë drejtim.

“Çështja e radikalizmit-ekstremizmit nuk është temë e rëndësishme vetëm në Kosovë, por në gjithë botën”.

“Si në vendet tjera ashtu edhe në Kosovë kemi qenë dëshmitar i përfshirjes së të rinjve në këto konflikte”.

“Aprovimi i ligjit i cili i ndalon qytetarët e Kosovës të marrin pjesë në luftrat e huaja është strategji për ta ndalur këtë fenomen”.

“Kemi parë disa aksione të Policisë që janë marrë me arrestimin e disa personave që bëjnë indoktrimin e të rinjve dhe ata luftëtarë që kanë marrë pjesë e janë rikthyer në Kosovë”.

“Këto përpjektjet tona nuk mund të përfundojnë vetëm me këto arrestime”

“Personat e përfshirë duhet të ndihmohen që të de-radikalizohen”.

“Qeveria duhur të marrë masa konkrete me ta, sepse mund të ndodh që këta persona të bëhen sërish rrezik për shoqërinë”.