Mëngjesin e së hënës një shpërthim i fuqishëm ka ndodhur në qytetin e Pejës si pasojë e të cilit deri më tani janë lënduar katër persona.
Pas ekzaminimit të vendit të ngjarjes, policia nga ky rajon tregon detaje se si ka ardhur deri të shpërthimi i bombolës së gazit.

Rrjedhja e vajit nga një bombolë gazi ka qenë shkaktari i shpërthimit të sotëm në lagjen “Rrokaqielli”, të Pejës.

“Sipas të dhënave të deritanishme nga hetuesit e rastit, është vërtetuar se bombola e gazit nuk ka shperthyer por momentalisht vlerësohet se ka pasur rrjedhje të ngadalshme të gazit e ajo sasi ka shkaktuar shpërthimin – incidentin”, thuhet në komunikatën e Policisë.

Ndërkohë që nga shpërthimi lëndime të lehta trupore kanë pësuar: Gj.B(femer); M.U.(femer); Sh.U.(mashkull) dhe N.S.(mashkull)”, thuhet në njoftimin e policisë.

Të lënduarit janë dërguar në spitalin rajonal Pejë, të cilët pas tretmanit mjekësor janë liruar.
Hetuesit rajonal DRP Pejë, në bashkëpunim të plotë me prokurorin janë duke zhvilluar hetimin rreth këtij rasti./GazetaExpress/