Amir Abrashi ka qenë edhe njëherë fantastik për skuadrën e tij Freiburg.

Kuqezinjtë kanë mposhtur me rezultat minimal 1-0 Eintracht Frankfurtin në shtëpi.

Edhe në këtë takim si gjithmonë,Abrashi ka qenë titullar dhe ka luajtur gjatë 90 minutave duke u ndëshkuar edhe me karton të verdhë.

Anëtari i Kombëtares shqiptare është vlerësuar lartë në këtë takim nga mediat gjermane të cilat e kanë lavdëruar për paraqitjen e mirë.

Ndërkohë vetë 26-vjeçari ka shkruar në faqen e tij zyrtare se është i lumtur me fitoren e arritur.

“Rikthehemi tek fitoret pas një ndeshje të mirë ndaj Eintracht Frankfurtit. Tani koha për Kombëtaren”, shkroi Abrashi. /Telegrafi/