Claudio Ranieri, trajneri i Leicester Cityt, ka thënë se Wayne Rooney nuk ka vend në ekipin e kampionëve të Anglisë.

Menaxheri i Leicester City, Claudio Ranieri ka lavdëruar Wayne Rooney për të arriturat që ka bërë në karrierë. Por, italiani insiston se preferon lojtarët që ka në dispozicion para sulmuesit anglez.

“Ai është një lojtar fantastik. Ai është një kampion. Por, unë i dua lojtarët e mi, dhe unë nuk do të ndryshojë lojtarët e mi me askënd tjetër”, ka deklaruar Ranieri, përcjell Express.

“Unë jam shumë i kënaqur me ta dhe ne mendojmë se ne mund të kemi një sezon shumë të mirë”, ka theksor italiani para ndeshjes me Manchester Unitedin, e cila luhet të shtunën në ora 13:30. /Express.