Ministria e Arsimit dhe Shkencës (MASH) ka reaguar ndaj një njoftimi që po qarkullon në rrjetet sociale, ku pretendohet se më 6 tetor 2026 nuk do të zhvillohet procesi mësimor.
Sipas MASH-it, ky njoftim është i rremë dhe nuk është publikuar nga ministria. Në reagim thuhet se nuk është marrë asnjë vendim për ndërprerjen e mësimit më 6 tetor dhe se procesi mësimor do të zhvillohet sipas orarit të rregullt.
Ministria ka bërë të ditur se në materialin që po qarkullon janë përdorur pa autorizim emri dhe logoja e institucionit, duke krijuar përshtypjen se bëhet fjalë për një njoftim zyrtar.
MASH-i u ka bërë thirrje nxënësve, prindërve, mësimdhënësve dhe qytetarëve që të mos e shpërndajnë materialin e rremë dhe për informacione t’u referohen vetëm kanaleve zyrtare të ministrisë.
