Një rast i pazakontë është raportuar në Leposaviq, ku një person kishte deklaruar se i ishte vjedhur vetura, ndërsa disa ditë më vonë kishte kuptuar se kush dyshohej se ia kishte marrë atë, por nuk e kishte njoftuar policinë.
Sipas raportit policor, rasti është raportuar më 12 korrik 2026, ndërsa më 1 shtator, rreth orës 20:00, në lidhje me rastin është intervistuar një dëshmitar, shtetas kosovar.
“Leposaviq 01.09.2026, 20:00. Me datën 12.07.2026 i dyshuari mashkull kosovar, kishte raportuar se i është vjedhur vetura. Ai disa ditë më vonë e kishte kuptuar kush ia kishte marrë veturën, por nuk e kishte lajmëruar policinë. Në lidhje me rastin është intervistuar dëshmitari mashkull kosovar, i cili ka deklaruar se veturën e kishte blerë. I dyshuari është shoqëruar në stacionin policor dhe pas intervistimit me vendim të prokurorit rasti procedohet në procedurë të rregullt”, thuhet në raportin e policisë.
