Më datën 22.07.2026, rreth orës 12:00, në një fshat të komunës së Shtimes, pas një mosmarrëveshjeje, një mashkull, i moshës 25 vjeçar ka sulmuar fizikisht gjyshen e tij dhe e ka kanosur atë, njofton Policia.

Më pas, rreth orës 13:00, i dyshuari ka hedhur një shishe qelqi në drejtim të gjyshit të tij, por nuk ka pësuar lëndime.

I dyshuari, i cili ishte nën ndikim të alkoolit, nuk ka qenë në gjendje të deklarohet.

Me urdhër të prokurorit të shtetit, ndaj të dyshuarit janë iniciuar rastet për veprat penale “Sulm” dhe “Kanosje”, ndërsa është dërguar në mbajtje për 48 orë, thuhet tutje.