Kryetari i LDK-së, Lumir Abdixhiku ka autorizuar Sekretarin e Përgjithshëm që të nisë menjëherë procedurat e nevojshme për mbajtjen e Kuvendit të Përgjithshëm të partisë, pasi gjatë ditës së sotme 148 delegatë të Lidhjes Demokratike të Kosovës dorëzuan nënshkrime për mbajtjen e këtij kuvendi dhe me kërkesën për shkarkimin e Abdixhikut.

Përmes një video në Facebook, Abdixhiku tha se pas verifikimit të nënshkrimeve, do të caktohet data dhe vendi i mbajtjes së Kuvendit të LDK-së, transmeton Klankosova.tv.

“Nuk do të mbaj asnjë detyrë kundër vullnetit të shumicës”, u shpreh Abdixhiku.