Një person është therur me thikë nga disa të tjerë mbrëmë në sheshin “Nëna Terezë” në Prishtinë.

Policia tha se sipas dëshmitarëve ai është therur me thikë nga një i dyshuar që është i njohur për policinë.

I lënduari u dërgua në QKUK për trajtim dhe është duke u siguruar nga policia.

Policia e cilësoi rastin si “vrasje në tentativë”.

“Sheshi Nëna Terezë, Prishtinë 19.06.2026 – 22:30. Një mashkull kosovar është dërguar për trajtim mjekësor në QKUK për shkak se ishte sulmuar me thikë nga disa persona. Sipas dëshmitarëve viktima është therur me thikë nga i dyshuari mashkull kosovar (i njohur për policinë), së bashku me disa persona tjerë të dyshuar të cilët janë në kërkim të policisë. Viktima është duke u trajtuar në QKUK dhe sipas mjekëve është jashtë rrezikut për jetë. Njësia policore është në sigurim të viktimës. Rasti në hetime”.