Një aksident me fatalitet ka ndodhur sot rreth orës 04:55 në Dollc të Klinës, ku një person ka humbur jetën dhe 4 të tjerë kanë mbetur të lënduar.

Njëri nga të lënduarit është duke u trajtuar në Spitalin e Pejës, ndërsa dy të tjerë janë liruar për në shtëpi në gjendje stabile.

“Si pasojë e një aksidenti trafiku, në spitalin tonë janë pranuar 4 persona të lënduar. Pas ofrimit të trajtimit mjekësor: 1 person është dërguar për trajtim të mëtejmë në Qendrën Klinike Universitare e Kosovës (QKUK), 1 person po vazhdon trajtimin në spitalin tonë, ndërsa 2 persona, pas trajtimit, janë liruar për në shtëpi në gjendje stabile.

Sipas informacioneve të pranuara nga organet kompetente, një person tjetër ka humbur jetën si pasojë e aksidentit, por nuk është sjell në Spitalin e përgjithshëm në Pejë”, thuhet në njoftim./IndeksOnline/