Një aksident tragjik ka ndodhur paraditën e sotme, në Meqë të Gjakovës, ku një person ka ndërruar jetë.
Sipas zëdhënëses së policisë për rajonin e Gjakovës, Vlera Krasniqi, viktima ishte duke drejtuar kamionin, kur humbi kontrollin mbi të dhe mjeti transportues rrëshqiti, duke rënë mbi viktimën.
“Si pasojë e kësaj lëvizjeje, një punëtor (mashkull i moshës madhore) i cili ndodhej në afërsi të mjetit, ka mbetur i bllokuar nën të” ka deklaruar Krasniqi.
Pas intervenimit të njësiteve policore, ndihmës së shpejtë dhe zjarrfikësve, është konstatuar se personi i zënë nën mjet ka ndërruar jetë.
“Lidhur me rastin po ndërmerren të gjitha hapat e nevojshëm nga Policia për sqarimin e rrethanave të kësaj ngjarje” përfundoi Krasniqi./IndeksOnline/
