Presidentja e Kosova, Vjosa Osmani, pritet të përfundojë zyrtarisht mandatin e saj nesër, duke mbyllur një periudhë pesëvjeçare në krye të shtetit.

Ajo do të shërbejë si ushtruese detyre e presidentes deri në zgjedhjen e presidentit të ri nga Kuvendi.

Përfitimet pas mandatit presidencial

Pas përfundimit të mandatit, ish-presidentët në Kosovë nuk marrin më pagë të plotë si gjatë ushtrimit të detyrës, por përfitojnë një kompensim të përcaktuar me ligj. Ky kompensim zakonisht arrin në rreth 70% të pagës së presidentit në detyrë.

Duke marrë parasysh se paga mujore e presidentit sillet rreth 2,800 deri në 3,000 euro, përfitimi për një ish-president llogaritet të jetë afërsisht 2,000 euro në muaj.

Megjithatë, kjo shumë mund të pësojë ndryshime në varësi të legjislacionit në fuqi dhe vendimeve përkatëse institucionale.

Përveç kompensimit financiar, ish-presidentët mund të përfitojnë edhe privilegje të tjera shtetërore, të përcaktuara me ligj. /Indeksonline/