Sipas të dhënave të publikuara nga Agjencia e Statistikave e Kosovës, numri i familjeve që kanë përfituar nga skema e ndihmës sociale ka shënuar rënie gjatë muajit shkurt 2026 krahasuar me muajin janar.

Komuna me numrin më të madh të familjeve përfituese mbetet Mitrovica, me 1,521 familje në janar dhe 1,507 në shkurt. Pas saj renditen Vushtrria 965 në janar dhe 950 në shkurt, Gjakova  me 911 familje të cilat marrin ndihmë sociale në janar dhe 913 në shkurt.

Në kryeqytet, në Prishtinë, janë evidentuar 734 familje përfituese në janar dhe 724 në shkurt, duke shënuar një rënie të lehtë. Rënie të ngjashme vërehen edhe në komuna të tjera si Peja nga 888 në 878, Lipjani(nga 886 në 850 dhe Ferizaj nga 632 në 621.

Ndërkohë, disa komuna kanë shënuar rritje të lehtë të numrit të përfituesve. Gjakova ka regjistruar një rritje të vogël nga 911 në 913, Gjilani nga 455 në 456, Kaçaniku nga 455 në 458, si dhe Graçanica nga 51 në 55 dhe Ranillugu nga 172 në 180.

Komunat me numrin më të vogël të përfituesve mbeten Juniku, Mamusha dhe Parteshi, ku shifrat janë dukshëm më të ulëta krahasuar me komunat e tjera.

Këto të dhëna pasqyrojnë një trend të lehtë rënës në përfitimin nga skema e ndihmës sociale në nivel vendi, me luhatje të vogla nëpër komuna të ndryshme./Indeksonline/