Në mbledhjen që po mban KQZ, kryetari i këtij komisioni Kreshnik Radoniqi ka njoftuar se deri më tani nuk janë raportuar parregullsi që cenojnë integritetin apo mbarëvajtjen e përgjithshme të procesit zgjedhor.

Duke u mbështetur në të dhënat preliminare nga rreth 94% e vendvotimeve, numri i qytetarëve me të drejtë vote që kanë votuar deri në orën 11:00 është 158 mijë e 691 votues apo 7.84%, nga 2 milionë e 25 mijë e 105 votues.

Deri në të njëjtën kohë, në Zgjedhjet Lokale të vitit 2021, kishin votuar 152 mijë votues apo 8.2% e votuesve nga 1 milionë 885 mijë e 448 votues, transmeton Klankosova.tv

Konferenca e radhës e KQZ-së do të mbahet në orën 15:30. /Klankosova.tv