Një aksident i rëndë trafiku ka ndodhur të dielën mbrëma në aksin rrugor ndërmjet fshatrave Novosellë dhe Karaçevë në komunën e Kamenicës, ku si pasojë ka humbur jetën një person.

Zëdhënësi i policisë për rajonin e Gjilanit, Ismet Hashani ka bërë të ditur për Telegrafin se viktima e këtij aksidenti është një fëmijë rreth 10-vjeç,

Hashani bëri të ditur se ngjarja ka ndodhur më 5 tetor 2025, rreth orës 18:50, kur një veturë e tipit BMË, me ngjyrë të bardhë dhe targa 06, ka dalë nga rruga, duke pësuar vetaksident.

“Policia e Kosovës është njoftuar se në aksin rrugor Novosellë – Karaçevë ka ndodhur një vetaksident, ku një veturë BMË ka humbur kontrollin dhe ka devijuar jashtë rrugës. Si pasojë e aksidentit, nga lëndimet e pësuara, pasagjeri një fëmijë rreth 10 vjeç – ka humbur jetën në vendin e ngjarjes”, tha zëdhënësi Hashani.

Përveç viktimës, dy persona të tjerë që ndodheshin në veturë, përfshirë drejtuesin e mjetit, kanë pësuar lëndime trupore, dhe janë dërguar për trajtim mjekësor.

Sipas raportimeve nga autoritetet, të lënduarit janë jashtë rrezikut për jetë.

Në vendin e ngjarjes kanë dalë njësitë përkatëse të Trafikut Rajonal të Gjilanit, të cilat janë duke hetuar rrethanat që kanë çuar në këtë aksident fatal. /Telegrafi/