Avokati i Thaçit: Jemi në pritje të autorizimit edhe për një dëshmitar tjetër

PUBLIKUAR

Luka Mishetiq, avokati i ish-presidentit Hashim Thaçi, ka deklaruar se janë në pritje edhe të një dëshmitari të ri.

Mishetiq tha se kanë marrë autorizimin për dëshmitarët 1DW008 dhe 1DW010.

Ai theksoi se presin që të nxjerrin deklaratat e tyre për palët gjatë kësaj jave ose edhe nesër.

“Besojmë që po, por ka disa faktorë që ndërhyjnë. Kemi parashtruar një mocion i cili nuk është vendosur akoma lidhur me një dëshmitar, pra nëse ai pranon ose jo dhe kjo hyn tek planifikimi i gjërat. Mandej, kemi një dëshmitar të dytë që diskutuam dje… do ju njoftojmë për të gjithë dëshmitarët që mbeten dhe që ne synojmë t’i përfundojmë brenda planit të paraparë”, deklaroi ai transmeton Klankosova.tv.

Derisa Robert Dixon, përfaqësuesi i ish-kryeparlamentarit Kadri Veseli, tha që vlerësimet e tyre lidhur me pyetjet që kanë planifikuar për dëshmitarët që do të ftohen nga mbrojtja e ish-presidentit Hashim Thaçi, mbeten të njëjta.

Ndërsa, nëse kanë njoftim për dëshmitarë të tjerë, atëherë vlerësimet mund të ndryshojnë.

Derisa mbrojtja e Jakup Krasniqit, për dëshmitarët e vet tha se janë duke bërë rivlerësime.

Kryetari i trupit gjykues Charles Smith, deklaroi se palët duhet të përpiqen që të jenë më efikas në mënyrë që të arrihet që çështja e mbrojtjes të mbyllet më 14 nëntor ashtu siç është planifikuar.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...