Në fshatin Balaj të Ferizajt është vrarë një 40 vjeçar, ka konfirmuar për Gazetën Express zëdhënësi i policisë për rajonin e Ferizajt, Kanun Veseli.

Ai tha se policia ka arrestuar të dyshuarin dhe është sekuestruar një armë zjarri.

Konfirmimi i plotë:

Me datën 15.09.2025 rreth orës 19:42 kemi pranuar një informatë se në fshatin Balaj të Ferizajt ka ndodhur një vrasje. Viktimë është një person mashkull, i moshës rreth 40 vjeç. Policia ka arrestuar të dyshuarin dhe ka sekuestruar një armë zjarri. Rasti është duke u hetuar nga njësitë relevante nën udhëheqjen e prokurorit të shtetit.