Mbrëmë në sheshin “Adem Jashari” në Lipjan, u mbajt nata e parë e festivalit “Mërgata Fest & Sports 2025”, me një koncert madhështor dhe pjesëmarrje të jashtëzakonshme të qytetarëve dhe mërgimtarëve tanë.

Kryetari i Komunës së Lipjanit, z. Imri Ahmeti, përshëndeti të pranishmit nga skena, duke theksuar rëndësinë e mërgatës për qytetin tonë. Ai u shpreh se sa herë që mërgimtarët kthehen në vendlindje, Lipjani duket më i bukur dhe më i buzëqeshur.

Performancat e artistëve të njohur shqiptarë i dhanë qytetit një atmosferë fantastike dhe një energji të veçantë.

Festivali vazhdon sonte me këngëtarë të mirënjohur – ejani të festojmë së bashku!