Shkuri Buja përmes një postimi ka shkruar se Herolind Kozhani përfaqëson brezin e ri të politikës lokale, që vjen me eksperiencë konkrete në shërbim të qytetarëve dhe me profesionalizëm të dëshmuar në fushën e shëndetësisë.

“10 vite si infermier në shërbimin e urgjencës në Lipjan aty ku vendoset jeta e njeriut përpara çdo gjëje tjetër. Fakultetin e Mjekësisë Fizioterapi, me përgatitje akademike dhe etikë profesionale”, ka shkruar Buja.

“Si asambleist në Kuvendin Komunal të Lipjanit, ka dëshmuar se të qenurit i ri nuk është pengesë, por përparësi ai sjell energji të reja, ide të qarta dhe guxim për të përfaqësuar qytetarët me dinjitet”, thuhet tutje.

“PDK mbetet forca që e ka dëshmuar në çdo kohë lidhjen e ngushtë me komunitetin, me njerëzit, me hallet si dhe nevojat e tyre. Kandidatë si Herolindi janë dëshmi e kësaj lidhjeje të ndershme, që buron nga terreni dhe i kthehet qytetarëve në shërbim konkret. Sot, rikandidon për të vazhduar angazhimin politik, me qëllim të qartë: të sjellë ndryshimin që Lipjani ka nevojë, përmes zërave të rinj dhe profesionistëve të vërtetë” ka shtuar Buja.