Një 23-vjeçar është therur mbrëmjen e së shtunës në Ferizaj.

Rastin për Klankosova.tv, e konfirmoi zëdhënësi i policisë për rajonin e Ferizajt, Kanun Veseli.

Veseli tha se nga hetimet fillestare, rrethanat se pse ka ardhur deri te akti, janë ende të paqarta. Sakaq i plagosuri është transferuar në QKUK për trajtim mjekësor.

“Ju njoftojmë se më 25.01.2025, rreth orës 17:00, kemi pranuar një informatë se në rrugën “12 Qershori” në Ferizaj ka ndodhur një rast therjeje me thikë. Në vendin e ngjarjes kanë dalë patrullat dhe hetuesit e stacionit policor të Ferizajt, ndërsa më pas janë angazhuar edhe hetuesit dhe krimteknikët rajonalë. Nga hetimet fillestare është konstatuar se, në rrethana ende të paqarta, ka mbetur i lënduar një person, mashkull, rreth 23 vjeç. Viktima është dërguar fillimisht në Qendrën Emergjente në Ferizaj për ndihmë mjekësore, ndërsa më pas është transportuar në QKUK në Prishtinë për trajtim të mëtejshëm”, tha Veseli.

Për të gjitha veprimet e nevojshme policore është njoftuar prokurori i shtetit.