H.Gashi, një 56-vjeçar nga Kaçaniku gjatë mbrëmjes së premte ka gjetur 150 euro në një restorant në Han të Elezit, me ç’rast paratë e gjetura i ka dorëzuar në polici.

Paratë, sipas policisë, i janë kthyer personit të cilit i kanë humbur, transmeton Klankosova.tv.

“Më 17.01. 2025, rreth orës 19:00, qytetari H. Gashi, 56 vjeç, nga Kaçaniku, ka gjetur një shumë të caktuar parash në një restorant në Han të Elezit. Menjëherë pas gjetjes, ai ka dorëzuar paratë në stacionin e policisë në Han të Elezit. Rreth një orë më vonë, përmes kamerave të sigurisë policët kanë arritur të identifikojnë personin V. B., të cilit i kanë humbur paratë dhe e kanë ftuar në stacionin e policisë. Pas kryerjes së procedurave të verifikimit, paratë, që rezultuan të jenë 150 euro, i janë kthyer personit V.B”, thuhet në njoftimin e policisë.

“Drejtoria Rajonale e Policisë në Ferizaj falënderon qytetarin H. Gashi për gjestin e tij human dhe shembullor, duke treguar një standard të lartë të përgjegjësisë qytetare dhe bashkëpunimit me policinë”.