Aliu, përmes një postimi në facebook është shprehur se përveç lidhjes emocionale e familjare me Sallabajën, vendin në të cilin ka kaluar fëmijërinë si, ka edhe lidhjen e fuqishme politike me Lidhjen tonë.

Ndërsa theksoi se llapjanët janë përcaktues të rrugëtimit të Republiksë sonë pas 9 shkurtit.

“SALLABAJA e dajve të mi, ju falënderoj përzemërsisht për këtë pritje madhështore

Nga Malisheva mbrëmë, në Llapin e LDK-së sonte, takime të jashtëzakonshme, në një atmosferë fitoreje, e me një entuziasëm të veçantë Sallabaja dhe Sekiraqa tashmë kishin vendosur për ndryshim.

Përveç lidhjes emocionale e familjare me Sallabajën, vendin në të cilin kam kaluar një kohë bukur të mirë të fëmijërisë e rinisë sime si nipi tek dajët, kemi edhe lidhjen e fuqishme politike me Lidhjen tonë.

Ky përbashkim është fuqi e ringritjes së të djathtës, është fuqi e ndryshimit, që të gjithë kemi nevojë.

Mikpritja e sontme si në Sallabajë, ashtu edhe në Sekiraqë është treguesi i qartë se përcaktimi i llapjanëve është për Lidhjen Demokratike të Kosovës dhe se Llapi e llapjanët janë përcaktues të rrugëtimit të Republiksë sonë pas 9 shkurtit, ashtu siç ishin përcaktues të shumë veprimeve e vendimeve që janë bërë në Republikën e për Republikën tonë!”, ka shkruar Aliu./Indeksonline/