Pesë persona kanë pësuar lëndime trupore në një aksident trafiku që ka ndodhur sot në fshatin Frashër, në rrugën rajonale Mitrovicë – Vushtrri.
Zëdhënësi i Policisë së Kosovës për Rajonin e Mitrovicës, Avni Zahiti konfirmoi për Telegrafin se aksidenti ka ndodhur rreth orës 12:40.
“Rreth orës 12:40, është raportuar për një aksident trafiku i shkaktuar në rrugën rajonale Mitrovicë- Vushtrri , përkatësisht në fshatin Frasher, në aksident janë përfshirë dy vetura, si pasojë e aksidentit pesë persona kanë kërkuar tretman mjekësor”, konfirmoi ai për Telegrafin.
Ndryshe, në 24-orët e fundit në Kosovë kanë ndodhur 50 aksidente trafiku, ku njëri prej tyre ishte me fatalitet./Telegrafi/
