Një flamur serb i cili valvitej tash e disa vite është hequr nga kalaja e Zveçanit nga persona të paidentifikuar. 

Zëvendës drejtori i Policisë së Kosovës për rajonin e veriut të Mitrovicës, Veton Elshani në një prononcim për Telegrafin ka thënë se ka marr vetëm një ankesë të cilën janë duke e shqyrtuar.

Ai po ashtu tha se edhe prokuroria është duke e shqyrtuar nëse ka elemente për të hapur rast apo jo.

“Kemi marr një ankesë dhe jemi duke e shqyrtuar. Prokurori është duke trajtuar nëse ka elemente për të hapur rast apo jo”, tha Elshani.