Rëndësia e triumfit të Rafael Nadalit të dielën në Australian Open ishte aq e madhe saqë çdo hollësi e ndeshjes së tij me Daniil Medvedevin është analizuar me përpikëri.

Derisa në Twitter është argumentuar se kjo fitore e bën atë atletin më të mirë spanjoll në histori, ora të cilën e barti gjatë ndeshjes në kyçin magjik u analizua po ashtu, raporton Gazeta Express.

Numri gjashtë i botës luajti me një orë ekskluzive në dorë, të grandit Richard Mille, me saktë RM 27-04 Tourbillon.

Kjo orë është e qëndrueshme ndaj ujit në çfarëdo thellësie dhe e përbërë nga ari, kushton rreth 1 milion euro.

Nadali u rikthye nga 0:2 në sete për të fituar 3:2, 2-6 6-7 (5-7) 6-4 6-4 7-5, në mënyrën më epike të mundshme kundër numrit dy të botës nga Rusia, të dielën në Melbourne.

Në mungesë të të dëbuarit Novak Djokovic dhe të të lënduarit Roger Federer në Melbourne, Nadali e ka bërë një hap para tyre në listën e lojtarëve me më së shumti titujt të fituar grand slam.

Ky ishte titulli i 21-të grand slam, që është rekord, për tenistin spanjoll./Gazeta Express/