Katër raste të vdekjes dhe 3 mijë e 617 raste të reja me koronavirus janë regjistruar në 24 orët e fundit në Kosovë, raporton Express.

Të katër personat që vdiqën nga Coronavirusi janë meshkuj.

Tre prej tyre janë të moshës mbi 80 vjeçare.

Ndërkaq njëri është i grupmoshës 50-59 vjeç.

Që nga dje janë shëruar edhe 1 mijë e 344 qytetarë, derisa numri i rasteve aktive ka arritur në mbi 31 mijë.

“Nga 13.928 testime, 3.617 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 4 raste të vdekjes. Sot janë shëruar 1.344 qytetarë, derisa numri i përgjithshëm i të shëruarve është 164.294. Në total numri i rasteve aktive është 31.021”, ka njoftuar Ministria e Shëndetësisë./Gazeta Express