Në shtëpinë e “Big Brother VIP” është vendosur së fundmi kënga e Beatrix Ramosajt, për të cilën Donaldi është shprehur se e ka marrë shumë malli.
Aktori ka qenë duke qëndruar në oborr me Arjolën dhe Beniadën, teksa kjo e fundit nuk ia ka kursyer ngacmimet.
Beniada i ka thënë se ka shumë meshkuj seksi jashtë, por Donaldi ka treguar se ka besim te Beatrixa. “Se di pse po unë kam super besim te Trixa është një vajzë që të jep shumë besim dhe kam shumë besim te ajo”, është shprehur ai.
Më tej Beniada ka vazhduar duke i përmendur Instagramin, se si fansat dhe adhuruesit mund t’i shkruajnë e ai nuk do mundet t’i ndalojë.
“Në Instagram?! Unë ia mbyll Instagramin asaj! Ça tallesh ti?! Unë i jap një Nokia 3310, shkruaj ça bën ku je, kaq. Rri në shtëpi, shiko televizor…”, është përgjigjur Donaldi me shaka.
