Varianti i ri i koronavirusit, Omicron, po shpërndahet në mënyrë të shpejtë në Kosovë.
Nga të dhënat që ka ofruar Instituti i Shendetit Publik të Kosovës për IndeksOnline 95.8% e mostrave pozitive me Covid19 janë të infektuar me variantin Omicron.
“Lidhur me testimin per variantin Omicron te SARS-CoV-2 ne IKSHPK:
Me date 26.12.2021 jane testuar 23 mostra pozitive ne SARS-CoV-2, prej te cilave ishin 8 (34.7%) me variantin Omicron.
Me date 31.12.2021 jane testuar 30 mostra pozitive ne SARS-CoV-2, prej te cilave ishin 10 (33.3%) me variantin Omicron.
Me date 05.01.2021 jane testuar 34 mostra pozitive ne SARS-CoV-2, prej te cilave ishin 24 (70.5%) me variantin Omicron.
Sipas te dhenave te IKSHPK-se nga testimi i fundit i mostrave pozitive ne SARS-CoV-2 per prani te variantit Omicron, 95.8% te ketyre mostrave kane qene me variantin Omicron”, tha zëdhënësja e këtij institucioni, Era Pireva.
Kurse, Shërbimi Spitalor Klinik dhe Universitar të Kosovës njoftoi se sot janë të shtrirë në spitale 90 pacientë.
“Në trajtim mjekësor janë 90 pacientë nga Covid-19. Prej tyre, 52 të konfirmura me Covid-19 pozitivë dhe 38 të tjerë post- Covid-19.
Me oksigjeno-terapi janë 34 pacientë, kurse në Mjekimin Intensiv të Klinikës Infektive janë 2 pacientë me maskë oksigjeni”, njoftoi SHSKUK.
Kujtojmë se IndeksOnline dje raportoi që në oborrin e Instituti Kombëtar të Shëndetin Publik (IKShPK) kishte numër të madh të qytetarëve që kanë shkuar për t’u testuar ndaj Covid-19./IndeksOnline/
