Presidentja e Republikës së Kosovës, Vjosa Osmani, e shoqëruar nga kryeministri Albin Kurti dhe kryekuvendari, Glauk Konjufca, kanë bërë sot homazhe në Reçak, me rastin e 23 vjetorit të Masakrës së Reçakut.

Homazhet u bënë në Kompleksin memorial të Reçakut, ku u vendosën kurora lulesh dhe u bënë përulje.

Më 15 janar, mbi 45 civilë shqiptarë në Reçak u vranë nga forcat serbe, pasi të njëjtit rrethuan dhe bombarduan fshatin.

Kjo masakër është dënuar edhe nga ndërkombëtarët, sidomos nga OSBE, e cila e konsideron si krim kundër njerëzimit./Indeksonline/