Për herë të parë në historinë e raporteve ndërshtetërore, Kosova edhe zyrtarisht do të ketë përfaqësuesen e saj në Departamentin e Shtetit Amerikan. Një gjë të tillë e ka bërë të ditur sot ambasadori i ri amerikan në Kosovë, Jeff Hovenier, shkruan Gazeta Express.

Në këtë pozitë do të jetë diplomatja Meridiana Leci, të cilën sot Hovenier e ka takuar bashkë me ministren Gërvalla.

Productive discussion with @MFAKosova Gervalla & inspiring to meet Merdiana Leci, Kosovo’s first diplomat to serve as a liaison officer at the @StateDept in Washington. This program will strengthen U.S.-Kosovo understanding & cooperation on shared foreign policy priorities. pic.twitter.com/CXQGGJ66cA

— Ambassador Jeff Hovenier (@USAmbKosovo) January 11, 2022

Pas një njoftimi të tillë ka reaguar edhe ish-kryediplomatja kosovare, Meliza Haradinaj-Stbulla dhe ish-ambasadorja e Kosovës në Washington, Vlora Çitaku.

Haradinaj-Stublla thotë se s’ka kënaqësi më të madhe se sa të shohësh frytet e punës së ndershme.

“Nuk ka kënaqësi më të madhe se kur puna e ndershme sjellë frytet e saj!

E lumtur që sot po shoh diplomaten e shkëlqyer të Republikës së Kosovës që vitin e kaluar ia kemi besuar detyrën e shërbimit në Ambasadën e Kosovës në Washington – Meridiana Leci, të jetë përfaqësuesja e parë e Kosovës në Departamentin Amerikan të Shtetit”, ka shkruar Haradinaj-Stublla.

Nuk ka kënaqësi më të madhe se kur puna e ndershme sjellë frytet e saj! @vloracitaku

E lumtur që po shohim diplomaten e shkëlqyer të @MFAKOSOVO që vitin e kaluar ia besuam detyrën e shërbimit në @KosovoinUS Meridiana Leci, të jetë përfaqësuesja e parë e 🇽🇰 në 🇺🇸 @StateDept. https://t.co/P4a6mDDrKZ pic.twitter.com/h84ycVPNwe

— Meliza Haradinaj – Stublla (@MelizaHaradinaj) January 11, 2022

Edhe ish-ambasadorja Çitaku ka thënë se për një përfaqësim të tillë të Kosovës në DASH kanë negociuar bashkë me ish-ministren Haradinaj-Stublla dhe Lendita Haxhitasimin, ambasadore e Kosovës në San Marino.

Very happy to see this news! As Ambassador I have negotiated the program together with @Amb_LenditaH and @MelizaHaradinaj https://t.co/CDW9YJzkuz

— Vlora Çitaku (@vloracitaku) January 11, 2022

Më 20 nëntor të viti 2020, Haradinaj-Stublla pas një takimi që kishte pasur me Matthew Palmer, kishte njoftuar se për herë të parë në historinë politike, Kosova do të dërgojë përfaqësuesin e saj në Departamentin e Shtetit Amerikan.

“Republika e Kosovës për herë të parë në historinë politike, do të mund të dërgojë përfaqësuesin e Ministrisë së Punëve të Jashtme të saj në Departamentin Amerikan të Shtetit. Këtë ma konfirmoi gjatë takimit Zëvendës Ndihmës Sekretari për Çështjet Evropiane dhe të Euroazisë, Matthew Palmer.

Koordinimi i ngushtë i politikës sonë të jashtme me SHBA-të, dhe profesionalizimi i Shërbimit të Jashtëm sipas praktikave më të larta ndërkombëtare e diplomatike, mbetet përkushtim i përbashkët yni.

Diskutuam me z.Palmer edhe dialogun me Serbinë, ku bashkë me Ministrin e Drejtësisë Selim Selimi theksuam se vetëm nën lidershipin amerikan, dialogu do të ketë dinamikën dhe qartësinë e duhur për t’u përmbyllur me njohje reciproke në kufijtë ekzistues, duke ruajtur karakterin unitar dhe rendin kushtetues të Republikës së Kosovës”, kishte shkruar Haradinaj-Stublla./GazetaExpress/