Kryetari i Komunës së Prishtinës, Përparim Rama, ka deklaruar se i ka ftuar të gjitha partitë për të qeverisur me kryeqytetin, raporton Express

I pyetur rreth koalicionit me Partinë Demokratike të Kosovës, Rama ka deklaruar se kjo çështje është në proces.

I kam ftuar të gjithë të bashkëqeverisim dhe jemi në proces. Jemi në proces dhe do ta merrni vesh shumë shpejt”, ka thënë ai ndërsa i pyetur për bashkëpunimin me PDK-në, ka shtuar se “jemi të përafruar me të gjithë”.

Rama ka deklaruar se ka energji pozitive rreth zgjedhjes së kryesuesit të Kuvendit Komunal.

“Është energji pozitive, e mirë, e marrëveshjes. Ta krijojmë shumicën për të mirën e qytetarëve. T’i ndajmë përgjegjësitë për të mirën e qytetarëve të Prishtinës. T’i shtyjmë proceset përpara”, ka deklaruar Rama për KTV’në.