Dua Lipa hyri beqare në vitin e ri dhe duket se ka motiv për diçka të re.

Këngëtarja e njohur ka publikuar setin e ri të fotografive në rrjetin Instagram, ku duket e relaksuar.

“Cili është motivi”, ka shkruar Dua Lipa, e cila shfaqet në pantallona të gjelbra, të cilat kanë zgjuar kërshërinë e disa nga fansave të shumtë.

“Këto pantallona më kujtojnë turneun muzikor të vitit 2017”, shkruan një fans.

Edicioni i fundit i fotove të autores së “Levitating” vijnë pas pushimeve që ajo kaloi në një jaht në St. Barts përpara vitit të ri.

Lipa u fotografua duke u shoqëruar me miqtë dhe familjen në bordin e anijes luksoze, ku thithi disa rreze dielli ndërsa lexonte, bisedonte dhe po zhytej në detin e pastër blu.

Pushimet e saj vijnë më shumë se një javë pasi ajo dhe i dashuri për një kohë të gjatë Anwar Hadid thuhet se janë ndarë.