Një rekord prej 103 raste kanë rezultuar pozitive me Covid në shtatë ditët deri dhe duke përfshirë 26 dhjetor në Premierligë.

Nga këto shifra, në mesin e të infektuarve ka futbollistë dhe staf të klubeve të elitës së futbollit anglez.

Rekordi i mëparshëm javor i ligës ishte 90 raste, i shpallur një javë më parë, transmeton Gazeta Express.

Gjithsej 15,186 teste u kryen midis 20 dhe 26 dhjetorit, pasi Premierliga ka rifutur testimin e përditshëm të lojtarëve dhe stafit.

Pesëmbëdhjetë ndeshje të Premierligës janë anuluar deri më tani gjatë dhjetorit për shkak të rasteve të koronavirusit. /Gazeta Express/