Nënkryetari i Partisë së e Ashkalinjve për Integrim (PAI), Gani Elshani pasi konfirmoi se partia e tij e ka prishur koalicionin qeveritar me Lëvizjen Vetëvendosje, i ka rënë pishman dhe e ka fshirë statusin e postuar në profilin e tij në Facebook, shkruan IndeksOnline.
“Njoftim: Për elektoratin e Partisë së Ashkalive për Integrim. Prishet kualicioni PAI me VV në nivel qëndror. Largohën nga detyra zv.ministri dhe Këshilltarët”, kishte shkruar Elshani në Facebook.
Ai i ka bërë ‘like’ një komentuesi në postimin e tij, i cili ka shkruar: “Mos thuj se ka shanca mu prish kjo qeveri”.
Në prill, kryeministri i Kosovës Albin Kurti e kishte emëruar në pozitën e zëvendësministrit të Ministrisë së Financave, Punës dhe Transfereve, Qazim Rrahmanin.
Partia e Ashkalinjve për Integrim përfaqësohet në Kuvendin e Kosovës me një deputet: Bekim Arifin.
