Roberto Mancini mbetet optimist për shanset e Italisë për t’u kualifikuar në Botërorin e vitit të ardhshëm në Katar.

Azzurri-t, të freskët pas fitores së tyre në Euro 2020, përfunduan të dytët në grupin e tyre kualifikues pas Zvicrës, që do të thotë se ata do të duhet të fitojnë dy ndeshje play-off për të siguruar vendin e tyre në Kupën e Botës të dimrit të ardhshëm.

“Ndonjëherë ju meritoni të fitoni dhe nuk e bëni. E meritonim ta përfundonim raundin shumë më herët. Ne e lëshuam veten pak dhe tani duhet të përveshim mëngët dhe të bëjmë një punë të shkëlqyer në dy ndeshjet. Por unë mbetem optimist, ashtu siç e dija që grupi ynë me Zvicrën do të ishte i vështirë. Mendova se do të përparonim, por e dija se do të ishte e vështirë. Ne e dominuam ndeshjen në Basel, por ky është futbolli, për fat e kemi ende këtë shans dhe duhet të bëjmë gjithçka që mundemi për të shkuar në Katar”, deklaroi Mancini.

Italia fillimisht do të përballet me Maqedoninë e Veriut në gjysmëfinalen e play-offit dhe në rast fitoreje do të takohej me fituesin e takimit tjetër gjysmëfinal mes Portugalisë dhe Turqisë. /Gazeta Express/