Anthony Martial do të largohet nga Manchester United në merkaton e janarit. Sulmuesi francez ka humbur postin e titullarit për shkak të konkurrencës së madhe në ofensivën e “Djajve të Kuq”.
26-vjeçari ka vendosur të provojë një aventurë të re dhe e ardhmja e tij lidhet me Spanjën. El Chiringuito raporton se Martial ka arritur një marrëveshje me klubin e Sevillas.
Klubi andaluzian kërkon ta marrë lojtarin ofensiv në huazim me të drejtë blerje në fund të sezonit. Akordi me Martial është arritur dhe tani duhet gjetur gjuha e përbashkët me drejtuesit e United.
Francezi numëron vetëm 200 minuta aktivizim në Premier League këtë sezon, teksa ka shënuar një gol. Objektivi i tij është të luajë në Katar 2022 me Francën dhe te Sevilla pritet të jetë një titullar.
