Paris Saint-Germain ka vendosur ta nderojë përsëri Lionel Messin, për fitimin e Topit të shtatë të Artë në karrierë.

PSG-ja ka vendosur të luajë sonte kundër Monacos në Ligue 1 me fanella të veçanta me tipare ari, sikur Topi i Artë, në nderim të Topit të Artë të fituar nga Lionel Messi, raporton Gazeta Express.

Messi e fitoi Topin e Artë për herë të shtatë rekorde në karrierë, për lojtarin më të mirë të vitit, në fund të muajit të kaluar në Paris.

Hoy luciremos un dorsal especial en honor al #BalonDeOro de Leo Messi ✨🇦🇷#PSGASM pic.twitter.com/VVFh5bN1dh

— Paris Saint-Germain (@PSG_espanol) December 12, 2021

Sulmuesi i Paris Saint-Germain i fitoi 613 gola, duke e lënë Robert Lewandowskin e Bayern Munich mbrapa me 580 vota.

Ky ishte Topi i Artë i parë i tij në fanellën e PSG-së, pasi gjashtë të kaluarit i fitoi si lojtar i Barcelonës.

Messi iu bashkua PSG-së në verë si lojtar i lirë, pasi u largua nga Barcelona me të cilën i mbaroi marrëveshja në qershor.

Argjentinasi e lë tani mbrapa rivalin e vet të përbetuar, Cristiano Ronaldo, i cili ka pesë Topa të Artë.

Messi ia fitoi Argjentinës trofeun e parë të madh pas një pritjeje të gjatë 28-vjeçare, kur triumfoi ndaj Brazilit në finale të Kupës së Amerikës 2021 në verë. Mënyra sesi 34-vjeçari e mbizotëroi turneun e Amerikës Jugore ishte e mahnitshme, pasi ai ishte golashënuesi më i mirë, asistuesi më i mirë dhe u zgjodh lojtari më i mirë i turneut.

Ai po ashtu e fitoi Kupën e Mbretit me Barcelonën dhe e mbylli sezonin si golashënuesi dhe asistuesi më i mirë në La Liga./Gazeta Express/