Ndeshja mes Bayern Munich dhe Barcelona do të ketë në vete edhe dy lojtarë emblematikë në historinë e klubeve. Bëhet fjalë për Sergio Busquets dhe Thomas Muller.
Dy futbollistët luajnë në pozicione të ndryshme, por kanë shumë të përbashkëta, pasi janë rritur në klubet e tyre, janë ikona dhe startues të padiskuteshëm në secilin trajner që kanë pasur në dekadën e fundit.
Busquets u promovua nga Barcelona B në sezonin 2008/09 nën Pep Guardiolan. Nga ai moment, ai nuk u largua kurrë nga Camp Nou, ku i ka luajtur 649 ndeshje dhe i ka fituar 30 trofe përgjatë 14 sezoneve.
33-vjeçar, Busquets është ende në formacionin startues të Barcelonës. Në këtë sezon, ai ka startuar në të gjitha 15 ndeshjet që Barcelona i ka luajtur në La Liga dhe Champions League dhe pritet të jetë në 11-shen e parë edhe nesër ndaj Bayern Munchen.
Sa i përket Mullerit, ai e bëri debutimin me ekipin e parë gjithashtu në vitin 2008, nën drejtimin e Jurgen Klinsmann dhe ka qenë aty prej atëherë. Futbollisti gjerman ka luajtur 526 ndeshje në Bundesligë dhe Champions League.
Muller ka marrë pjesë në të gjitha 22 ndeshjet e Bayern Munich kërtë sezon, duke shënuar gjashtë gola dhe dhuruar 15 asiste.
Bayern Munich veçse e ka siguruar kualifikimin në një të tetën e finales së Champions Leagues, përderisa Barcelona duhet të fitojë, ose Dynamo Kiyv ta ndalë Benfican. /Gazeta Express/
