Kryetari i Komunës së Lipjanit, Imri Ahmeti, sot në zyrën e tij ka pritur Tuncay Cicek dhe Erkan Ozkan, përfaqësues të KFOR-it Turk të cilët janë të vendosur në Lipjan.

Kryetari Imri Ahmeti i njoftoi përfaqësuesit e KFOR-it për projektet që janë duke u zhvilluar aktualisht në Komunën e Lipjanit si dhe i falenderoi për bashkëpunimin që kanë pasur deri më tani me komunën. Ai po ashtu pohoi se ky bashkëpunimin në mes Komunës së Lipjanit dhe KFOR-it do të vazhdoj edhe në të ardhmen.

Në anën tjetër, përfaqësuesit e KFOR-it e kanë uruar kryetarin Ahmeti për fitoren në zgjedhjet lokale dhe shprehën gatishmërinë e tyre për të vazhduar edhe më tutje bashkëpunimin e mirë që kanë me Komunën e Lipjanit.