“Los Blancos” janë të gatshëm ta transferojnë mesfushorin holandez, i cili nuk e ka gjetur veten sa duhet në Manchester United

Real Madridi ia ka vënë syrin mesfushorit të Manchester United, Donny van de Beek.

“Los Blancos” dëshirojnë të përfitojnë nga pakënaqësitë e futbollistit holandez.

Dhe, gjiganti spanjoll shpreson që ta marrë me pak para ish-futbollistin e Ajaxit.

Sipas mediumit “Fichajes”, “Mbretërit” do të tentojnë ta transferojnë 24 vjeçarin në afatin kalimtar të janarit, përcjell “Gazeta Express”.

Futbollisti dëshiron të luajë në një ekip ku do të kishte vazhdimësi.

Ai e ka mendjen edhe tek Kombëtarja e Holandës, me të cilën synon të jetë pjesë e Botërorit të Katarit. /Gazeta Express/