Pas dy fitoresh radhazi pas kohës shtesë te Los Angeles Lakers ndihet lodhja me skuadrën kaliforniane që u shkërmoq brenda në Staples Center nga Minnesota Timberwolves duke marrë një humbje turpëruese me shifrat e thella 83-107.
Mungesa e LeBron James u ndje shumë këtë herë te 17-herë kampionët e NBA, pasi yjet e tjera të ekipit nuk arritën të bënin asgjë për të evituar këtë humbje.
Lideri i miqëve nga Minneapolis ishte Karl Anthony-Toëns autor i 29 pikëve ndërkohë që te Lakers, Anthony Davis shënoi 22 pikë ndërsa Rusell Westbrook 20 pikë të pamjaftueshme gjithsesi për të evituar disfatën e 6-të në 13 takime për skuadrën e Frank Vogel.
Vijoi ecurinë pozitive Brooklyn Nets që mori fitoren e 7-të në 8 ndeshjet e fundit pasi triumfoi përballë Neë Orleans Pelicans me rezultatin 120-112, në parketin e këtyre të fundit duke thelluar krizën e Pelicans që pësuan humbjen e 9-të rresht. Me 39 pikë 5 rebound dhe 12 asiste James Harden ishte më i miri mbi parket për skuadrën nju-jorkeze, ndërkohë që 28 pikë të tjera në këtë sukses i shtoi Kevin Durant.
Në derbin teksan festoi Dallas Mavericks. Falë paraqitjes fantastike të dyshes Luka Doncic-Kristaps Porzingis, Dallas triumfoi me shifrat 123-109 brenda në AT@T Center të San Antonios duke marrë fitoren e 8-të në 12 takime, ndërsa Spurs humbjen e 8-të në po aq ndeshje. Thjeshtë fantastik slloveni Doncic me një triple-double teksa koleksionoi në total 32 pikë, 12 rebound dhe 15 asiste, ndërsa spikati edhe letonezi Porzingis me 32 pikë.
